Vətən müharibəsinin Anım Gününün rəmzi olan Xarı bülbül
...
  1. Əsas səhifə
  2. Cəmiyyət

Xədicə İsmayılın apelyasiya şikayəti rədd edildi

Cəmiyyət Materials 7 Oktyabr 2016 15:07 (UTC +04:00)
Bakı Apellyasiya Məhkəməsində hakim Əflatun Qasımovun sədrliyi ilə jurnalist Xədicə İsmayılovanın barəsində qanunsuz sahibkarlıqla əlaqədar maddənin ləğv olunması ilə bağlı verdiyi şikayətə baxılıb.
Xədicə İsmayılın apelyasiya şikayəti rədd edildi

Trend-i buradan izləyin

Bakı. Samir Əli - Trend:

Bakı Apellyasiya Məhkəməsində hakim Əflatun Qasımovun sədrliyi ilə jurnalist Xədicə İsmayılovanın barəsində qanunsuz sahibkarlıqla əlaqədar maddənin ləğv olunması ilə bağlı verdiyi şikayətə baxılıb. Trend-in məlumatına görə, prosesdə şikayət təmin edilməyib.

Qeyd edək ki, X. İsmayıl 2014-cü ilin dekabrında mənimsəmə, qanunsuz sahibkarlıq, vergi ödəməkdən yayınma və vəzifə səlahiyyətlərindən sui-istifadədə təqsirləndirilərək həbs edilib. Bakı Ağır Cinayətlər Məhkəməsinin hökmü ilə o 7 il 5 ay müddətinə azadlıqdan məhrum edilib.

X.İsmayıl hökmdən apellyasiya şikayəti versə də, Bakı Apellyasiya Məhkəməsi şikayəti təmin etməyib. Ali Məhkəmənin 25 may 2016-cı il tarixli qərarı ilə mənimsəmə və vəzifə səlahiyyətlərindən sui-istifadə ittihamları üzrə jurnalistə bəraət verilib və o, 3 il 6 ay şərti cəza ilə həbsdən buraxılıb. Sonra X.İsmayıl onun barəsində CM-nin 192.2.2-ci (qanunsuz sahibkarlıq) maddəsinə xitam verilməsi ilə bağlı şikayət ərizəsi verib. Bakı Ağır Cinayətlər Məhkəməsinin qərarı ilə jurnalistin üzərindəki şərti cəzanın müddəti 3 il 6 aydan 2 il 3 aya endirilib. Həmin qərardan narazı qalan X.İsmayılın müdafiəçisi Fariz Namazlı apellyasiya şikayəti ilə Bakı Apellyasiya Məhkəməsinə müraciət edib.

Məqalədə:
Xəbər lenti

Xəbər lenti

Bütün xəbərlər