...

Qubada şagirdlərin hədə-qorxu ilə pul almalarına RƏSMİ MÜNASİBƏT

Cəmiyyət Materials 12 Aprel 2017 22:01 (UTC +04:00)
Quba rayonu Alekseyvka tam orta məktəbinin 2 şagirdinin hədə-qorxu yolu ilə digər şagirdlərdən pul alması barədə yayılan məlumatlara rəsmi münasibət bildirilib.
Qubada şagirdlərin hədə-qorxu ilə pul almalarına RƏSMİ MÜNASİBƏT

Bakı. İlhamə İsabalayeva - Trend:

Quba rayonu Alekseyevka tam orta məktəbinin 2 şagirdinin hədə-qorxu yolu ilə digər şagirdlərdən pul alması barədə yayılan məlumatlara aydınlıq gətirilib.

Orta məktəbin direktoru İsa Əlixanlı Trend-ə bildirib ki, məktəbin iki 9-cu sinif şagirdi hədə-qorxu yolu ilə 3-4 məktəb yoldaşından kiçik məbləğdə pul alıb.

İ.Əlixanlının sözlərinə görə, valideynlərdən bu hadisə barədə məlumat aldıqdan sonra araşdırmanın aparılması üçün hüquq-mühafizə orqanlarına müraciət edib. Hazırda Quba Rayon Polis Şöbəsi tərəfindən hadisə ilə bağlı tədqiqat aparılır.

İ.Əlixanlı bildirib ki, hadisə məktəb ərazisində, dərs zamanı deyil, axşam saatlarında baş verib: "Bu hadisə sırf valideyn nəzarətsizliyindən olub və bunun məktəblə heç bir əlaqəsi yoxdur. Eyni zamanda, həmin uşaqların pul aldıqları yoldaşlarını soyunduraraq onların şəkillərini çəkməsi, həmin şəkillərin internetə qoyulacağı, buna görə pul verən uşaqların valideynlərinin hədələnməsi və onlardan pul istənilməsi barədə verilən məlumatlar yanlışdır. Bu məlumatlar hüquq-mühafizə orqanlarının apardığı araşdırma zamanı təsdiqini tapmayıb. Bundan başqa, hadisə baş verdikdən sonra valideyn iclası keçirilərək onlara uşaqlarını nəzarətsiz qoymamaları, xüsusilə axşam saatlarında daha diqqətli olmaları tövsiyə edilib".

Məqalədə:
Xəbər lenti

Xəbər lenti