Bakı. Trend:
Paytaxtımıza gələn çoxsaylı turistlərin gəzməli-görməli məkan seçimi zəngindir. Bu baxımdan istər Bakı sakinlərinin, istərsə də hamının çox sevdiyi yerlərdən biri Bakı Zooparkıdır.
Bakı Heyvanat Parkının direktoru Azər Hüseynov Trend-ə parka gələn turistlərin sayında nəzərəçarpacaq artım olduğunu deyib. O qeyd edib ki, Bakıda zooparka gələn turistlərin, xüsusilə ərəb ölkələrindən gələn turistlərin sayı xeyli artıb: “Onlar qrup şəklində, ailəvi zooparkımıza gəlirlər və böyük maraq göstərirlər”.
Qeyd edək ki, hazırda zooparkda 1200-dən çox quş və heyvan saxlanılır. Bakıda zooparkın yaradılması ötən əsrin 20-ci illərinə təsaduf edir. İndiki zoopark isə 1984-cu ildə istifadəyə verilib və ərazisi 2001-ci ildən sonra genişləndirilib.
Trend Bakı Zooparkında fotoları təqdim edir:
Foto: Zaur Mustafayev