Bakı. İlhamə İsabalayeva - Trend:
Bakı Nəqliyyat Agentliyi (BNA) bu il ərzində 700-dən çox nəqliyyat vasitəsini kart sisteminə keçirməyi nəzərdə tutur.
Trend-in məlumatına görə, bunu BNA-nın direktorunun müşaviri Mübariz Abbasov deyib.
Onun sözlərinə görə, nağdsız ödəniş sistemi nəqliyyat sistemində şəffaflığı təmin edir:
"Bu sistem sürücü məsuliyyətini artırır. Sürücü artıq sovet dövründən qalma "planvermə" sistemi ilə işləmir".
M.Abbasov bildirib ki, BNA fəaliyyəti dövründə 50-dən çox yeni nəqliyyat vasitəsi gətirib.
Müşavirin sözlərinə görə, dövlət tərəfindən 300-350 nəqliyyat vasitəsinin gətirilməsi planlaşdırılır.