İlk xəbər saat 12:47-də yayılıb
Bakı. Samir Əli - Trend:
Bakının Xətai rayonunda, Yusif Səfərov küçəsində çoxmərtəbəli binada baş vermiş yanğın söndürülüb.
1 saylı Kliniki Tibbi Mərkəzin Toksikologiya şöbəsinin müdiri Azər Maqsudov Trend-ə bildirib ki, hadisə nəticəsində bir nəfər tüstüdən zəhərlənib.
X X X
13:30
Fövqəladə Hallar Nazirliyi (FHN) Bakı şəhəri, Xətai rayonu ərazisində yerləşən çoxmərtəbəli binada baş verən yanğınla bağlı məlumat yayıb.
Trend-in nazirliyin saytına istinadən məlumatına görə, hazırda FHN-in Dövlət Yanğından Mühafizə Xidmətinin yanğın bölmələri hadisə yerindədir.
Yanğınsöndürmə işləri barədə əlavə məlumat veriləcək.
X X X
13:16
Bakının Xətai rayonunda, Yusif Səfərov küçəsində çoxmərtəbəli binada yanğın davam edir.
Trend-in məlumatına görə, fövqəladə hallar naziri Kəmaləddin Heydərov və nazir müavini Etibar Mirzəyev də hadisə yerindədir.
Hazırda yanğının söndürülməsi istiqamətində iş davam etdirilir.
X X X
12:47
Bakıda çoxmərtəbəli binada yanğın başlayıb.
Fövqəladə Hallar Nazirliyindən Trend-ə verilən məlumatda bildirilir ki, hadisə paytaxtın Xətai rayonunda, Yusif Səfərov küçəsində çoxmərtəbəli binada baş verib.
Hadisə yerinə Fövqəladə Hallar Nazirliyinin yanğınsöndürən briqadaları cəlb edilib.
Hazırda yanğının söndürülməsi istiqamətində tədbirlər görülür.