...

Azərbaycan və Türkiyə diasporunun birgə fəaliyyəti müzakirə edilib

Cəmiyyət Materials 17 Sentyabr 2018 20:27 (UTC +04:00)
Türkiyə Nazirlər Kabineti yanında Xaricdə Yaşayan Türklər və Əqraba Topluluqları Başqanlığının sədr müavini Sait Yusufu Diasporla İş üzrə Dövlət Komitəsində olub.
Azərbaycan və Türkiyə diasporunun birgə fəaliyyəti müzakirə edilib

Bakı. Trend:

Türkiyə Nazirlər Kabineti yanında Xaricdə Yaşayan Türklər və Əqraba Topluluqları Başqanlığının sədr müavini Sait Yusufu Diasporla İş üzrə Dövlət Komitəsində olub.

Komitədən Trend-ə verilən məlumata görə, görüşdə ikitərəfli münasibətlərin hazırki vəziyyəti və perspektivlər müzakirə olunub.

Sədr müavini təmsil etdyi qurumun fəaliyyətinə toxunaraq, 2018-2019-cu illərdə Türkiyədə keçirilməsi planlaşdırılan mühüm tədbirlər haqqında məlumat verib.

Qeyd olunub ki, hər iki ölkənin diasporu gücünü birləşdirməli və Avropada fəaliyyətlərini genişləndirməlidir.

Görüşdə Azərbaycan və Türkiyənin dövlət başçılarının hər zaman türkdilli xalqlar arasında milli birliyin möhkəmləndirilməsinə xüsusi önəm verdikləri bir daha xatırlanıb.

Məqalədə:
Xəbər lenti

Xəbər lenti