Bakı. Trend:
Fevralın 9-da Milli Məclisə keçiriləcək seçkilərdə Yeni Azərbaycan Partiyasının 32 saylı Surxanı Üçüncü seçki dairəsindən namizədi Afət Həsənova seçicilərlə görüşlərini davam etdirir.
Trend-in məlumatına əsasən, Afət Həsənova seçicilərlə növbəti görüşünü Bülbülə qəsəbəsi Səttar Bəhlulzadə küçəsində keçirdi.
Respublikamızda həyata keçirilən sosial – iqtisadi inkişaf proqramları barəsində məlumat verən Afət Həsənova Suraxanı rayonunda da bu sahədə mühüm işlər görüldüyünü bildirib. Afət Həsənova seçicilərin qayğıları, problemləri ilə maraqlanıb. Vətəndaşlar tərəfindən səsləndirilən təklif və müraciətlər dinlənilib və müvafiq tədbirlərin görülməsi üçün qeydiyyat aparılıb.
O, daha sonra seçiciləri 9 fevralda keçiriləcək seçkilərdə fəal şəkildə iştirak etməyə çağırıb. Seçicilər Afət Həsənovaya səs verəcəklərini bildirib və qarşıdan gələn parlament seçkilərində ona uğurlar arzulayıblar.
