...

Sosial şəbəkədə yayılan videoya görə Gəncədə 2 tibb işçisi cəzalandırıldı

Cəmiyyət Materials 24 Yanvar 2020 16:41 (UTC +04:00)
Gəncə Şəhər 2 saylı Körpələr evində uşaqların bellərinə uzun corablar bağlanması faktı ilə əlaqdar 2 orta tibb işçisi ciddi cəzalandırılıb.
Sosial şəbəkədə yayılan videoya görə Gəncədə 2 tibb işçisi cəzalandırıldı

Trend-i buradan izləyin

Bakı. İlhamə İsabalayeva - Trend:

Gəncə Şəhər 2 saylı Körpələr evində uşaqların bellərinə uzun corablar bağlanması faktı ilə əlaqdar 2 orta tibb işçisi ciddi cəzalandırılıb.

Trend-in məlumatına görə, Gəncə Şəhər 2 saylı Körpələr evinin rəhbərliyinin açıqlamasında bildirilir ki, son günlər sosial şəbəkədə yayımlanan video və şəkillərlə bağlı xüsusi komissiya yaradılıb:

"Araşdırmalar aparılıb, körpələrin bir-birinə bağlanması öz təsdiqini tapmasa da, uşaqların bezlərinin düşməməsi üçün bellərinə uzun corablar bağlanması müəyyənləşib və bunu edən 2 orta tibb işçisi ciddi cəzalandırılıb".

Müəssisə videogörüntülərdə uşaq evinin təmirsiz və səliqəsiz olmasına da münasibət bildirib:

"Uşaq evində bu məsələ ilə bağlı ciddi problem yoxdur. Müəssisədə xırda təmir bərpa işləri aparılıb, körpələr evi isti su ilə, kombi sistemi və müasir istilik sistemi ilə təmin olunub. Müəssisədə paltaryuyan maşınlar, tozsoranlar var və təmizlik məsələsinə tamamilə riayət edilir. Qeyd edək ki, uşaq evində valideynləri tərəfindən atılan üç yaşa qədər uşaqlar saxlanılır".

Məqalədə:
Xəbər lenti

Xəbər lenti