...

Gənclər Naqif Həmzəyevin başlatdığı sosial aksiyanı maraqla qarşıladılar (FOTO)

Cəmiyyət Materials 13 Aprel 2020 10:44 (UTC +04:00)
Gənclər Naqif Həmzəyevin başlatdığı sosial aksiyanı maraqla qarşıladılar (FOTO)

Bakı. Trend:

Milli Məclisin deputatı Naqif Həmzəyevin koronavirus infeksiyasının yayılmasının qarşısının alınması məqsədilə ölkəmizdə elan olunmuş karantin rejimini nəzərə alaraq, başlatdığı ”5 kitab danış, 1 kitab qazan” adlı sosial aksiya gənclər tərəfindən maraqla qarşılanıb.

Qısa zaman ərzində gənclər millət vəkilinin rəsmi facebook səhifəsində onlara ünvanladığı müraciətinə cavab olaraq oxuduqları 5 kitabın hər biri barədə 1 dəqiqəlik video çəkib [email protected] ünvana göndəriblər. Beləliklə, sosial aksiyaya qoşulan gənclər bir kitab hədiyyə qazanıblar.

Aldıqları hədiyyədən məmnun olan mütaliə həvəskarları öz facebook səhifələrində millət vəkilinə dərin təşəkkürlərini bildirib, onu “ gənclərin dostu” adlandırıblar.

Qeyd edək ki, ”5 kitab danış, 1 kitab qazan” adlı aksiyanın məqsədi koronavirus (COVİD-19) infeksiyası ilə bağlı sosial izoliyasiyada gənclərin zamandan səmərəli istifadəsinə yardım olmaqdır.

Məqalədə:
Xəbər lenti

Xəbər lenti