Bakı. Trend:
Bakı Xoreoqrafiya Akademiyasının (BXA) tələbələri #Evdəqal kampaniyası çərçivəsində xüsusi videorolik hazırlayıb.
Trend-in məlumatına görə, videorolikdə BXA-nın orta-ixtisas təhsili pilləsinin Xoreoqrafiya sənəti və Xalq çalğı alətləri ixtisaslarının birinci kurs üzrə bir qrup tələbəsi koronavirus pandemiyası dövründə #evdəqaltəhsildənqalma kompaniyasına dəstək məqsədilə Azərbaycanın görkəmli tarixi şəxsiyyəti Xurşudbanu Natəvanın ölkəmizin tarixində və ədəbiyyatındakı rolu barədə məlumat veriblər.
Layihənin ideya müəllifləri və təşkilatçıları BXA-nın tarix müəllimi Aygül Qurbanova və ədəbiyyat müəllimi Mehriban Haqverdiyevadır.