...

Bakıda koronavirus aşkar edilməsi səbəbindən 4 sinif distant formaya keçirilib

Cəmiyyət Materials 21 Sentyabr 2020 21:49 (UTC +04:00)
Bakıda koronavirus aşkar edilməsi səbəbindən 4 sinif distant formaya keçirilib

Bakı. Asif Mehman - Trend:

Təhsil Nazirliyi ümumtəhsil müəssisələrində koronavirusla bağlı vəziyyətə dair məlumat yayıb.

Nazirlikdən Trend-ə bildirilib ki, Bakıda müəllim və şagirdlərdə koronavirusun aşkar edilməsi səbəbindən 4 sinfin fəaliyyəti distant formaya keçirilib. Ötən günlər ərzində şagirdlər arasında məktəbdaxili yoluxma halına rast gəlinməyib. Qeydə alınmış yoluxmaların ailədaxili şəraitdə baş verməsi müəyyən edilib.

Təhsil Nazirliyi bütün şagirdləri, valideynləri, müəllimləri və işçi heyətini sosial məsafəni qorumağa, şəxsi gigiyenik vasitələrdən mütəmadi olaraq istifadə etməyə və sanitar-gigiyenik qaydalara əməl etməyə çağırır.

Məqalədə:
Xəbər lenti

Xəbər lenti