Bakı. Samir Əli - Trend:
8 dekabrda yaradılan "YAŞAT" fondu şəhid ailələrinə əlavə dəstək üçündür.
Trend-in məlumatına görə, bunu Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev deyib.
Onun sözlərinə görə, hazırda hər bir şəhid ailəsi və əlillərin, onların şəraitinin yaxşılaşdırılması üçün proses davam edir: "Fondun fəaliyyəti ilə bağlı mütəmadi məlumatlar verilir. Artıq fondun bir ayı tamam olur. 2706 şəhid və 81 yaralının 11 mindən çox ailə üzvü ilə görüş keçirilib. 2787 ailənin 1483-ü öhdəliyə götürülüb".