...

Bakı Ali Neft Məktəbinin 16 komandası “Teknofest”də finala yüksəlib

Cəmiyyət Materials 25 May 2022 10:17 (UTC +04:00)
Bakı Ali Neft Məktəbinin 16 komandası “Teknofest”də finala yüksəlib

Bakı. Trend:

Bakı Ali Neft Məktəbinin (BANM) 16 komandası Türkiyənin ən böyük aviasiya, kosmos və texnologiya festivalı olan “Teknofest”də final mərhələsinə yüksəlib. BANM təmsilçiləri 8 müsabiqə üzrə finala çıxıblar.

“Yaşıl texnologiyalar” müsabiqəsi üzrə 8 komanda, “Aqrar texnologiyalar” üzrə 2 komanda, “Bakuskills” üzrə 1 komanda, “Robototexnika” üzrə 1 komanda, “Sosial yönümlü texnologiyalar” üzrə 1 komanda, “Pilotsuz uçuş aparatları” üzrə 1 komanda, “Cansat” üzrə 1 komanda, “Planer” üzrə 1 komanda “Teknofest”in final mərhələsində mübarizə aparacaq.

Qeyd edək ki, BANM-in “Həkəri” komandası “Aqrar texnologiyalar” və “Sosial yönümlü texnologiyalar” üzrə, “Oğuz” komandası isə “Robotexnika” və “Planer” üzrə 2 müsabiqədə finala vəsiqə qazanıb.

“Yaşıl texnologiyalar” üzrə final mərhələsinə yüksələn 10 komandadan 8-i BANM-i təmsil edir. Bu göstərici ali məktəblər arasında yalnız BANM-ə aiddir.

Final mərhələsinə yüksələn komandalar bunlardır:

“Yaşıl texnologiyalar” üzrə - “Murov”, “Xudayar”, “Atəşgah”, “Gülüstan”, “Xəzri”, “Turan”, “Topxana”, “Qızılağac”

“Aqrar texnologiyalar” üzrə - “Həkəri”, “Xəmsə”
“Bakuskills” üzrə - “Şuşa qalası”
“Robototexnika” üzrə - “Oğuz”
“Sosial yönümlü texnologiyalar” üzrə - “Həkəri”
“Pilotsuz uçuş aparatları” üzrə - “Murov qartalları”
“Cansat” üzrə - “İstiqlal”
“Planer” üzrə - “Oğuz”

Xatırladaq ki, Bakıda keçirilən “Teknofest” festivalı “Türkiyə Texnologiya Komandası” – T3 Fondu və Türkiyənin Sənaye və Texnologiya Nazirliyi tərəfindən 2018-ci ildən etibarən hər il təşkil olunur. “Teknofest” Aviasiya, Kosmos və Texnologiya Festivalının Türkiyədən kənarda ilk dəfə Azərbaycanda keçirilməsi iki ölkə arasındakı dostluq, qardaşlıq və və strateji müttəfiqlik əlaqələrinin növbəti təzahürüdür.

Məqalədə:
Xəbər lenti

Xəbər lenti