Bakı. Trend:
Laçında 2 nömrəli, eyni zamanda Laçın–Zabux məktəbinin əsaslı təmir işlərinə başlanılıb.
Trend-in məlumatına görə bunu bu gün Elm və Təhsil Nazirliyinin təsərrüfathesablı əsaslı tikinti və təchizat idarəsinin rəis müavini Fərhan Əliyev “Təhsil masası”da çıxışı zamanı bildirib.
O qeyd edib ki, onların bu ilin sentyabrında təhvil verilməsi nəzərdə tutulub.
“Tərtərdə Suqovuşan kənd məktəbini əsaslı təmirdən sonra hazırlanıb. Məktəb istismara verilməyib, amma açılışa hazırdır.
Şuşa 1 nömrəli 960 yerlik məktəb və Ağdam şəhərində 1 nömrəli 960 yerlik məktəb tikilir. Hər ikisinin bu ilin sentyabrında təhvil verilməsi gözlənilir”,- deyə o əlavə edib.