...

Qubadlı və Zəngilanda itkin düşmüşlərə məxsus olması ehtimal edilən meyit qalıqları aşkarlandı - RƏSMİ

Cəmiyyət Materials 11 Sentyabr 2023 12:25 (UTC +04:00)
Qubadlı və Zəngilanda itkin düşmüşlərə məxsus olması ehtimal edilən meyit qalıqları aşkarlandı - RƏSMİ
Asif Mehman
Asif Mehman
Bütün xəbərlər

Bakı. Trend:

Qubadlı rayonunun Məlikəhmədli kəndində və Zəngilan rayonunun Vejnəli kəndində Birinci Qarabağ müharibəsi dövründə itkin düşmüş şəxslərə məxsus olması ehtimal olunan insan meyitinin qalıqları ekshumasiya edilib, həmin meyit qalıqları ilə bağlı məhkəmə-tibbi kriminalistik və məhkəmə molekulyar-genetik ekspertizaları təyin edilərək icraya yönəldilib və digər zəruri hərəkətlər yerinə yetirilib.

Trend xəbər verir ki, bu barədə Azərbaycan Respublikası Hərbi Prokurorluğunun Mətbuat Xidmətinin yaydığı məlumatda deyilir.

"Ermənistanın silahlı qüvvələri və qanunsuz erməni silahlı birləşmələri tərəfindən xalqımıza qarşı törədilmiş sülh və insanlıq əleyhinə olan, müharibə, terrorçuluq, qəsdən adam öldürmə və digər cinayət faktları ilə bağlı Azərbaycan Respublikasının Hərbi Prokurorluğunda Cinayət Məcəlləsinin 103-cü (Soyqırım), 107-ci (Əhalini deportasiya etmə və ya məcburi köçürmə), 120.2.12-ci (Milli, irqi, dini ədavət və ya düşmənçilik niyyəti ilə qəsdən adam öldürmə) və digər maddələri ilə istintaq olunan cinayət işi üzrə istintaq-əməliyyat tədbirləri davam etdirilir", - açıqlamada bildirilib.

Qeyd olunub ki, qanunvericiliyin və beynəlxalq hüququn hamılıqla qəbul edilmiş norma və prinsiplərinin tələblərinə uyğun olaraq bütün tədbirlərin görülməsi təmin ediləcək.

Xəbər lenti

Xəbər lenti