Bakı. Trend:
2024-cü ilin ilk 9 ayı ərzində Azərbaycanda 158 cinayətkar qrup zərərsizləşdirilib.
Trend xəbər verir ki, bu barədə oktyabrın 17-də Daxili İşlər Nazirliyinin Kollegiya iclasında bildirilib.
Axtarışa elan edilmiş 6 703 nəfərdən 84 faizi tutulub, habelə ağır və xüsusilə ağır cinayətlər törətməkdə şübhəli bilinən 390 nəfərdən ibarət 158 cinayətkar qrup zərərsizləşdirilib.
Qanunsuz dövriyyədən 4 ton 81 kiloqram narkotik vasitə çıxarılıb və bu əməllərə görə 5735 nəfər saxlanılıb.