Bakı. Trend:
Birinci Qarabağ müharibəsində itkin düşmüş hesab olunan Hidayət Qarayev Şuşa şəhərində torpağa tapşırılıb.
Trend xəbər verir ki, şəhidin vida mərasimində ictimaiyyət nümayəndələri, hərbi qulluqçular, şəhər sakinləri və mərhumun doğmaları iştirak edib.
Yuxarı Gövhər Ağa məscidində H.Qarayevlə vida mərasimi keçirilib. Vida mərasimindən sonra şəhid Şuşa şəhər qəbiristanlığında, hərbi orkestrın dövlət himninin sədaları altında torpağa torpağa tapşırılıb.
Qeyd edək ki, şəhid Qarayev Hidayət Nəsir oğlu 1992-ci ildə Şuşa şəhərində itkin düşüb. Onun qalıqları Xankəndi şəhərində aşkar edilib.
