Bakı. Trend:
Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi Şuşa şəhərində növbəti dəfə əmək yarmarkası keçirəcək.
Trend xəbər verir ki, bu barədə Əmək və Əhalinin Sosial Müdafiəsi Nazirliyi məlumat yayıb.
Bildirilib ki, yarmarka aprelin 4-də saat 10:00-da Şuşadakı Dövlət Xidmətləri Mərkəzinin inzibati binasında (Şuşa şəhəri, Zəfər küçəsi, 3) təşkil olunacaq.
"Tədbirdə təhlükəsizlik üzrə qrup rəhbəri, bağban, komendant, elektrik və s. işlər üzrə vakansiyalar təqdim ediləcək və bu vakansiyalara uyğun namizədlərin qeydiyyatı aparılacaq",- deyə məlumatda qeyd edilib.