Bakı.trend:
Neftçalanın 3 kəndinin qaz təchizatında fasilə yaranacaq
Trend xəbər verir ki, bu barədə "Azəriqaz" İB məlumat yayıb.
Bildirilib ki, Neftçala rayonu Xolqarabucaq kəndində yerləşən tam orta məktəbin təbii qazla təmin edilməsi ilə bağlı yeni çəkilmiş qaz xəttinin qaz təchizatı şəbəkəsinə birləşdirilməsi məqsədi ilə əlaqədar 07.11.2025-ci il saat 10:00-dan qaz təminatında fasilə yaranacaq.
Qaz təchizatında yaranacaq fasilə Neftçala rayonunun Xolqarabucaq, Xoltəzəkənd və Xəzərkənd kəndlərində yaşayan 835 abonenti əhatə edəcək.