AR Təhsil Nazirliyi Asiya inkişaf bankı (AİB) ilə "Erkən yaşlı uşaqların inkişafı" layihəsinin gerçəkləşdirilməsində əməkdaşlığa dair memorandum layihəsi hazırlayıb.Bu barədə Trend ə nazirlikdə bildirilib.
Nazirlikdə qeyd olunub ki, hazırda layihənin texniki əsaslandırma planı işlənib-hazırlanır.Layihənin gerçəkləşdirilməsinə gələn ilin mart ayında kredit sazişinin imzalanmasından sonra başlanılması planlaşdırılır.Bank artıq layihəni maliyyələşdirmə niyyətini bildirib. Bankın ekspertləri Azərbaycan tərəfinə 10 pilot rayondan başqa digər iki rayonu - Abşeron və İsmayıllı rayonlarını da daxil etməyi təklif edir.
Bankın Azərbaycana oktyabrın sonunadək keçiriləcək növbəti missiyası zamanı əməkdaşlığın yeni aspektləri öyrəniləcək.