Azərbaycanın Ekologiya və Təbii Ehtiyatlar Nazirliyi Naxçıvan Muxtar Respublikasında "Başkənd" qızıl yatağına dair hesabat hazırlayır. Bu barədə Trend ə nazirlikdən məlumat verilib. Sənəd ilin sonuna kimi hazırlanaraq Dövlət Ehtiyat Fonduna təqdim ediləcək.
"Başkənd" yatağının qızıl ehtiyatı 3,5-4 ton həcmində qiymətləndirilir.
"Xarici şirkətlər və fiziki şəxslər bu qızıl yatağına maraq göstərir", - deyə nazirlikdən bildirilib.
Geoloqlar hesab edirlər ki, "Başkənd" qızıl yatağı kiçik xərclərin ödənilməsinə imkan verəcək.