Noyabrın 12-də Azərbaycanda Konstitusiya Günü ilə əlaqədar tədbir keçiriləcək. Bu barədə Trend ə Konstitusiya Məhkəməsinin mətbuat xidmətinin rəhbəri Tural Aslanov məlumat verib.
Konstitusiya Məhkəməsində geniş konfransın keçirilməsi planlaşdırılıb.
Azərbaycan ərazisində sabitliyi və ictimai asayişi təmin etmək, eyni zamanda vətəndaş cəmiyyətini qurmaq üçün möhkəm hüquqi baza hesab edilən Azərbaycan Respublikasının Konstitusiyası 12 noyabr 1995-ci ildə keçirilən referendüm yolu ilə qəbul edilib. Bu sənəd vətəndaşın siyasi hüquqları baxımından əsas hüquq və azadlıqların mühüm tərkib hissəsini təşkil edir.
