ATƏT-in mətbuat azadlığı məsələləri üzrə sədri Mikloş Xaraşti 2007-ci ilin əvvəlində Azərbaycana gələcək. Trend -in məlumatına görə, bu haqda ATƏT-in Bakı ofisinin rəhbəri Maurisio Pavesi bildirib.
O qeyd edib ki, M.Xaraşti Azərbaycana ildə iki dəfə gəlir və onun sonuncu səfəri 2006-cı ilin oktyabrında olub. Növbəti səfər gələn ilin aprelinə kimi olacaq.
Xatırladaq ki, dünən Azərbaycanda söz azadlığının vəziyyəti üzrə Avropa Birliyinin bəyanatı elan edilib. Bəyanatda vəziyyətlə yaxından tanış olmaq üçün ATƏT-in mətbuat azadlığı məsələləri üzrə sədri Mikloş Xaraştinin Azərbaycana gəlişi də tövsiyyə olunub.