Gələn ilə bölgənin və digər ölkələrin ruhanilərinin iştirakı ilə Azərbaycan və Rusiyanın dini liderlərinin beynəlxalq konfransı təşkil olunacaq. Bu barədə Trend ə Qafqaz Müsəlmanları İdarəsindən (QMİ) məlumat verilib.
Konfransın Bakıda və ya Moskvada keçirilməsi planlaşdırılır. Qafqaz Müsəlmanları İdarəsi və Moskva patriarxlığı arasında bu barədə razılıq əldə olunub. Konfransın məqsədi dinlərarası dialoqun inkişafı, həm xristian və müsəlman icma liderləri, həm də iki din arasında qarşılıqlı əlaqənin səviyyəsinin artırılmasıdır.