...

Bu ilin II yarısında Komi Respublikasında "Azərbaycan günləri" keçiriləcək

Cəmiyyət Materials 21 Fevral 2007 12:40 (UTC +04:00)

Trend-i buradan izləyin

Azərbaycan, Bakı / Trend , müxbir S.İlhamqızı/ Bu ilin II yarısında Rusiya Federasiyasının Komi Respublikasında "Azərbaycan günləri" adlı tədbir keçiriləcək. Bu barədə Trend ə Azərbaycan Respublikasının Sankt-Peterburqdakı Baş Konsulluğundan məlumat verilib.

Qeyd edək ki, Azərbaycanın Sankt-Peterburqdakı Baş Konsulu Qüdsi Osmanovun başçılığı ilə nümayəndə heyətinin Komi Respublikasına işqüzar səfəri başa çatıb. Səfərin əsas məqsədlərini bu regionda yaşayan soydaşlarımızın problemlərinin həlli, diasporumuzun formalaşması və Azərbaycanla Komi arasında müxtəlif sahələrdə ikitərəfli əlaqələrin inkişafı təşkil edir. Səfər çərçivəsində Baş Konsul Q.Osmanov Komi Respublikasının başçısı V.Torlopovla, həmçinin Respublikanın Daxili İşlər Naziri V.Silayev və Federal Miqrasiya Xidmətinin rəhbəri V.Maksimovla görüşlər keçirib. Görüşdə bu ilin ikinci yarısında Komi Respublikasında 850 nəfərlik opera və balet teatrında Azərbaycanın və yerli mədəniyyət, incəsənət xadimlərinin iştirakı ilə "Azərbaycan günləri" adlı tədbirin keçirilməsi təklifi bəyənilib. Söhbət zamanı V.Torlopov qeyd edib ki, Kominin iri neft və qazçıxarma sənaye şəhərləri sayılan Vorkuta, Uxta və Usinskdə çox sayda azərbaycanlı yaşayır və həmin sahələrdə çalışırlar. V.Torlopov Komidə çoxsaylı xalqların mövcud olduğunu qeyd edərək, regionda yaşayan azərbaycanlıların yerli qanunlara riayət etdiklərini xüsusi vurğulayıb.

Görüş zamanı Komi Respublikasının Sıktıvkar, Vorkuta, Uxta və Usinsk şəhərlərinin Azərbaycan Respublikasının hər-hansı bir şəhərləri ilə qardaşlaşması təklifi irəli sürülüb və dəstəklənib. V.Torlopov həmçinin Komidə Azərbaycan diasporunun formalaşması və mərkəzləşmiş formada fəaliyyətini də təqdir edib.

Xəbər lenti

Xəbər lenti