Azərbaycan, Bakı/ Trend müxbir S.İlhamqızı/ Türkiyənin İstanbul şəhərində beşmərtəbəli yaşayış binasının uçması zamanı həlak olan və zərərçəkənlər arasında azərbaycanlı yoxdur. Bu barədə Trend ə Azərbaycanın Türkiyədəki fövqəladə və səlahiyyətli səfiri Zakir Həşimov məlumat verib.
Səfir bildirib ki İstanbulun Zeytunburnu adlanan ərazisində köhnə evlərdən olan həmin bina hələ 1999-cu ildə baş vermiş zəlzələ zamanı zədələnib. İndiki dağıntının da bu zədənin nəticəsində baş verdiyi güman edilir. Z.Həşimov bildirib ki, dağıntı zamanı iki nəfər həlak olub, 25 nəfər isə yaralanıb. Onlar arasında azərbaycanlı yoxdur.