Azərbaycan, Bakı / Trend müxbir K. Zərbalıyeva/ "Yeni Fikir" gənclər təşkilatının üzvləri barəsindəki məhkəmə hökmündən verilən kassasiya şikayəti üzrə Ali Məhkəmədə bu günə təyin olunan məhkəmə prosesi martın 28-ə təxirə salınıb. Bu barədə Trend ə Ali Məhkəmədən məlumat verilib. Kassasiya şikayətinə hakim Zeyqəm Hüseynovun sədrliyi ilə baxılacaq.
Ağır Cinayətlərə dair İşlər Üzrə Məhkəmənin hökmü ilə Cinayət Məcəlləsinin 29,278-ci (hakimiyyəti zorla ələ keçirmə və ya onu zorla saxlamaya cəhd) maddəsi ilə təqsirləndirilən Ruslan Bəşirli 7, Ramin Tağıyev 4 il azadlıqdan məhrumetmə cəzasına məhkum olunub, Səid Nuriyevə isə 5 il şərti iş verilib.
Prezidentin sonuncu əfv fərmanı ilə Nuriyev əfv olunub.