Azərbaycan, Bakı / Trend müxbir E.Hüseynli/ Azərbaycanda mövcud olan turizm potensialını öyrənmək məqsədilə Almaniyanın turizm şirkətləri və kütləvi informasiya vasitələrinin 14 nəfərlik nümayəndəsi aprelin 15-də Azərbaycana səfər edəcək. Bu barədə cümə axşamı Trend ə Mədəniyyət və Turizm Nazirliyinin mətbuat xidmətindən məlumat verilib.
Məlumata görə, Almaniyanın turizm şirkətləri səfər çərçivəsində Azərbaycanın bölgələrində, o cümlədən Gəncə, Şəki şəhərlərində olacaq. Almaniyalı qonaqların Azərbaycana səfəri aprelin 20-də başa çatacaq.
Məlumatda o da bildirilib ki, mövcud turizm potensialının öyrənilməsi üçün Avstriyanın 10 nəfərlik turizm şirkətinin nümayəndələri də Azərbaycana gələcəklər. Onlar əsasən Naxçıvan Muxtar Respublikasının turizm potensialını öyrənəcəklər.
