Azərbaycan, Bakı, 2 iyul/müx. "TrendLife" Fərid Sadıxov / Tələbə Qəbulu üzrə Dövlət Komissiyası ali məktəblərin magistratura pilləsinə keçirilən qəbul imtahanının nəticələrini açıqlayıb.
İmtahanda 12140 bakalavr iştirak edib ki, onlardan da 2 nəfər prosesdən xaric olunub. İmtahanın nəticəsinə əsasən, 3351 bakalavr magistratura pilləsinə daxil olub. Onlardan 2201-i ali məktəbi bu il bitirən məzunlardır. Qəbul olanların 658 nəfəri ali məktəblərin bakalavr pilləsini fərqlənmə diplomu ilə bitirib. Ümumilikdə qəbul olanların 1765-i oğlanlar, 1586-sı qızlardır.
Magistraturaya daxil olanlar iyulun 4-dən 16-dək ail məktəblərdə qeydiyyatdan keçməlidirlər.
Xatırladaq ki, bu il ali məktəblərin magistratura pilləsinin qəbul planında 4520 yer ayrılmışdı. Beləliklə, qəbul planında nəzərdə tutulan 1169 yer boş qalıb.