Azərbaycan, Bakı / Trend müxbir S.İlhamqızı/ Tələbə Qəbulu üzrə Dövlət Komissiyası (TQDK) iyulun 27-də 2007/2008-ci tədris ili üçün Azərbaycanın ali məktəblərinə II ixtisas qrupu (iqtisadiyyat, idarəetmə, sosiologiya və coğrafiya ixtisasları) abituriyentlərinin qəbul imtahanını keçirəcək. II qrupa daxil olan 49 ixtisas üzrə 19 dövlət və 13 özəl ali məktəblərdə mütəxəssis hazırlığı aparılır. Bu barədə cümə axşamı TQDK-dan məlumat verilib.
II qrup üzrə bu il 17971 abituriyent sənəd təqdim edib. Onlardan 12779 nəfəri oğlan, 5192 nəfəri qız abituriyentlərdir. Bakı şəhərində 14245, Naxçıvanda 766, Sumqayıtda isə 2960 abituriyent imtahan verəcək.
İmtahanın keçirilməsi üçün Bakıda 22, Naxçıvanda 2, Sumqayıtda 5 bina ayrılıb. İmtahanda Bakı və Sumqayıt şəhərlərinin orta məktəblərindən 1124 nəzarətçi-müəllim iştirak edəcək. Prosesə 108 imtahan rəhbəri cəlb olunub.
II qrup üzrə qəbul planı və ərizələrin sayına dair cədvəl
| İxtisasqrupları | Qəbul planı | Ərizələrin sayı | |||||
| Azərb.bölməsi | Rusbölməsi | Birgə müsabiqəaparılanixtisaslar | Cəmi | Azərb.bölməsi | Rus bölməsi | Cəmi | |
| II qrup | 5258 | 1188 | 824 | 7270 | 15746 | 2225 | 17971 |
II qrup üzrə sənəd verən abituriyentlərin təqribən 54 %-i şəhərlərdə yaşayır.
II ixtisas qrupu üzrə abituriyentlərin 12160 nəfəri orta məktəbi bu il bitirən məzunlardır. Bu ixtisas qrupu üzrə təhsil almaq istəyən 67 abituriyent xarici ölkələrin vətəndaşıdır. 99 abituriyent ali təhsillidir və ikinci ali təhsil almaq arzusundadır. Bu qrup üzrə 455 abituriyent orta ixtisas məktəblərinin məzunlarıdır. II ixtisas qrupu üzrə ən yaşlı abituriyent 1959 -cu, ən gənc isə 1992-ci ildəndir.
2006-cı ildə II ixtisas qrupu üzrə 388 abituriyent 600-dən yuxarı bal toplamış, ən yüksək göstərici 697.500 bal olmuşdu. 26 nəfər Azərbaycan Prezidentinin təqaüdünə layiq görülmüşdü.
Statistik araşdırmaya əsasən, bu il təhsillərini II qrup üzrə davam etdirmək arzusunda olanların sayı ötən illərlə müqayisədə daha çoxdur. Aşağıdakı cədvəldə son göstərici verilib.
| İxtisasqrupları | Qəbul planı | Ərizələrin sayı | |||||
| Azərb.bölməsi | Rusbölməsi | Birgə müsabiqəaparılanixtisaslar | Cəmi | Azərb.bölməsi | Rus bölməsi | Cəmi | |
| II qrup | 5258 | 1188 | 824 | 7270 | 15746 | 2225 | 17971 |
| Tədris ili | Plan yerlərinin sayı | Ərizələrin sayı |
| 2007/2008 | 7270 | 17971 |
| 2006/2007 | 5571 | 17723 |
| 2005/2006 | 6580 | 18332 |
Təhlillər göstərir ki, II qrup (iqtisadiyyat və idarəetmə ixtisasları) oğlan abituriyentlərin I qrupdan (texniki ixtisaslar) sonra daha çox üstünlük verdikləri ikinci sahədir.
II ixtisas qrupu üzrə nəzərdə tutulan 7270 plan yerindən ən çoxu ümumi iqtisadiyyat (1107 yer), mühəndis iqtisadiyyatı və idarəetmə (488 yer), biznesin təşkili və idarə edilməsi (447 yer) ixtisaslarına ayrılıb.