Azərbaycan, Bakı/ Trend , müxbir K.Zərbalıyeva/ "Nota bene" qəzetinin həbs olunmuş əməkdaşı bu həftə müayinələrdən və həkim baxışından keçiriləcək. Ədliyyə Nazirliyinin Penitensiar Xidmətinin Müalicə Müəssisəsindən bazar ertəsi Trend ə bildirilib ki, avqustun 26-da müalicə müəssisəsinə köçürlmüş Fərəməz Allahverdiyev (Novruzoğlu) hələlik müayinələrdən keçmədiyindən onun səhhəti barədə rəy vermək mümkün düyil. Bu həftə ərzində Allahverdiyev müvafiq aparatlardan, həkim baxışından keçiriləcək və onun səhhəti barədə yekun rəy veriləcək. Müəssisənin həkimi Rəşad Dəmirov bildirib ki, qoyulacaq diaqnoz əsasında Allahverdiyevin müalicəsi aparılacaq.
"Nota bene" qəzetinin əməkdaşı Allahverdiyev daxili işlər naziri Ramil Usubovun və Xaricdə Yaşayan Azərbaycanlılarla İş üzrə Dövlət Komitəsinin sədri Nazim İbrahimovun Cinayət Məcəlləsinin 147 və 148-ci (böhtan atma, şərəf və ləyaqətin alçaldılması) maddələri ilə qaldırdıqları xüsusi ittiham əsasında Nərimanov Rayon Məhkəməsinin 30 yanvar 2007-ci il tarixli qərarı ilə 2 il 6 ay müddətinə azadlıqdan məhrum edilib. Apellyasiya Məhkəməsi onun barəsindəki qərarı qüvvədə saxlayıb.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
