Azərbaycan, Bakı, 1 iyun /Trend/
21 yaşadək futbolçulardan ibarət Azərbaycan yığması 2013-cü il Avropa çempionatının seçmə mərhələsi çərçivəsində bu gün Norveç yığması ilə qarşılaşacaq.
Trend-in məlumatına görə, oyun Norveçin Drammer şəhərindəki "Marienlist" stadionunda keçiriləcək. Qarşılaşma Bakı vaxtı ilə saat 21:00-da başlayacaq.
Son görüşündə Bakıda İslandiyaya 1:0 hesabı ilə qalib gələn millimiz 4 xalla turnir cədvəlinin 4-cü pilləsindədir. Yığmamız Norveçi məğlub edəcəyi təqdirdə rəqibi ilə xalını bərabərləşdirəcək.
Qeyd edək ki, bu komandalar arasında Bakıda keçirilmiş ilk oyun 2:0 hesabı ilə qonaqların xeyrinə başa çatmışdı.