Azərbaycan, Bakı, 25 iyul /Trend/
Londonda keçiriləcək Yay Olimpiya Oyunlarının medalları olimpiada tarixində ən bahalı medallardır. Trend-in məlumatına görə, bu barədə çərşənbə günü Britaniya KİV-i xəbər verib.
Onların hazırlanması üçün Böyük Britaniyaya Monqolustandan və ABŞ-ın Yuta ştatından səkkiz ton qızıl, gümüş və mis gətirilib.
Britaniyanın "Tarixi kral sarayları" təşkilatının nümayəndəsi Treysi Sends bəyan edib ki, medallar iyulun 2-dən yaxşı mühafizə olunan London "Tauer"də yerləşdirilib.