Azərbaycan, Bakı, 10 avqust /Trend/
XXX London Yay Olimpiya Oyunlarında taekvondo yarışlarında Azərbaycan idmançısı Ramin Əzizov ilk görüşündə olimpiadanın favoritlərindən sayılan ikiqat Olimpiya, beşqat dünya çempionu Stiven Lopesə (ABŞ) qalib gəlib.
Trend-in məlumatına görə, 80 kq çəki dərəcəsində mübarizə aparan Əzizov rəqibini 3:2 hesabı ilə məğlub edərək 1/4 final mərhələsinə vəsiqə qazanıb.
Bu mərhələdə taekvondoçumuz italiyalı Mauro Sarmiento ilə qarşılaşıb.
Görüş Sarmientonun 2:1 hesablı qələbəsi ilə başa çatıb.
İtaliya təmsilçisi finala çıxarsa, Əzizov bürünc medal uğrunda təsəlliverici görüşə qatılacaq.