Azərbaycan, Bakı, 22 fevral /Trend/
Sabah Premyer Liqanın 23-cü turunun bütün oyunlarında Xocalı soyqırımı qurbanlarının xatirəsi bir dəqiqəlik sükutla yad ediləcək.
Bu haqda Trend-ə Peşəkar Futbol Liqasının (PFL) mətbuat xidmətindən məlumat verilib.
Bununla bağlı artıq PFL tərəfindən bütün klublara müraciət olunub. Eyni zamanda bütün klubların sabah meydana qara sarğı ilə çıxacağı bildirilib.
Qeyd edək ki, Xocalı faciəsindən 22 il ötür.