Bakı. Trend:
DÇ-2018-in seçmə mərhələsi çərçivəsində martın 26-da baş tutacaq Azərbaycan-Almaniya oyununu idarə edəcək hakimlər müəyyənləşib.
Trend AFFA-nın saytına istinadən xəbər verir ki, Tofiq Bəhramov adına Respublika stadionunda keçiriləcək oyunu italyan hakimlər briqadası idarə edəcək.
Oyunun baş hakim Daniele Orsato, yan hakimlər isə Mauro Tonolini və Rikkardo Di Fiore, dördüncü hakim isə Marko Quida təyin olunub.