Bakı. Trend:
Avropa çempionatında erməni rəqibinə qalib gələn türk güləşçi Azərbaycan bayrağını qaldırıb.
Bu barədə Trend Azərbaycan Güləş Federasiyasına istinadən məlumat verir.
Almaniyanın Dortmund şəhərində keçirilən gənclərin Avropa çempionatında yunan-Roma güləşi üzrə 50 kq çəki dərəcəsində bürünc medal görüşündə erməni rəqibinə tam üstünlüklə qalib gələn Türkiyə güləşçisi Cemal Mutlu Azərbaycan bayrağı ilə qələbə dövrəsi vurub.