Bakı. Trend:
Müdafiəçi Eşli Yanq İngiltərənin "Mançester Yunayted" futbol klubunun yeni kapitanı təyin edilib.
Trend-in məlumatına görə, bunu "Mançester Yunayted"in baş məşqçisi Ule Qunnar Sulşer deyib.
Klubun baş məşqçisi bildirib: "Yanq yeni kapitandır. O, əsas heyətdə meydana çıxdığı zaman kapitan sarğısı onda olacaq. Klubun vitse-kapitanı 28-yaşlı ispaniyalı qapıçı David De Xea olacaq".
Qeyd edək ki, ötən mövsüm kapitan sarğısı ekvadorlu müdafiəçi Antoniu Valensiyada olub, lakin mövsümün sonunda müdafiəçinin klubla razılaşmasının müddəti bitib və o komandanı tərk edib.