Bakı. Trend:
Parisdə 2024-cü il Olimpiya Oyunlarının dördüncü günü başa çatıb və Yaponiya komandası qızıl medal sayına görə liderliyini qoruyub saxlayıb.
Trend xəbər verir ki, ümumilikdə Olimpiya Oyunlarının dördüncü günündə yaponlar yenə də liderlik mövqelərini saxlayıblar. Komandanın hesabında 7 qızıl, 2 gümüş və 4 bürünc medal var.
Qızıl medal sayına görə ikinci sırada Çin Xalq Respublikası qərarlaşıb. Onların hesabında 6 qızıl, 6 gümüş və 2 bürünc medal var.
Üçüncü sırada isə Avstraliya yer alıb. Bu ölkənin idmançıları 6 qızıl, 4 gümüş və 1 bürünc medal qazanıblar.