Bakı. Trend:
Rusiya Birinci Liqasının "SKA-Xabarovsk" klubunun futbolçusu Sadiq Baqiyev 2025-ci ildən başlayaraq yenidən Azərbaycan U-21 yığmasına cəlb oluna bilər.
Trend-ə verilən məlumata görə, Azərbaycan Futbol Federasiyaları Assosiasiyasının (AFFA) rəsmiləri Baqiyevlə əlaqə saxlayıb və onun yeni tsikldə U-21 yığmasında oynama şansının yüksək olduğunu bildiriblər. Federasiya rəsmiləri də Baqiyevin yığmaya cəlb olunmasını istəyir.
Qeyd edək ki, Baqiyev əvvəllər U-19 yığmasında yer almışdı, lakin sonradan dəvət edilməmişdi. 20 yaşlı yarımmüdafiəçi 2024-cü ilin sentyabr ayında "Kuban Holdinq"dən "SKA-Xabarovsk"a keçib və klub ilə müqaviləsi 2027-ci il iyunun 30-a qədərdir.