Bakı. Trend:
Dekabrın 15-i saat 13:30-a olan vəziyyətə əsasən, Azərbaycanda sabit, əsasən yağmursuz hava şəraiti davam edir.
Trend Milli Hidrometeorologiya Xidmətinə istinadən xəbər verir ki, cənub-qərb küləyi, arada güclənərək Bakıda və Abşeron yarımadasında 15 m/s-dək çatıb.
Bakıda və Abşeron yarımadasında havanın temperaturu 7 dərəcəyədək isti, Naxçıvan Muxtar Respublikasında 9 dərəcəyədək isti, Aran rayonlarında isə 5 dərəcəyədək isti olub. Dağlıq rayonlarda isə havanın temperaturu 7 dərəcəyədək şaxta ilə müşahidə edilib.