Bakı. Trend:
ABŞ-nin yeni seçilmiş prezidenti Donald Tramp Nyu Cersi və Nyu-York səmalarında görünən naməlum pilotsuz uçuş aparatlarının vurulmasını təklif edib.
Trend-in məlumatına görə, bu barədə D.Tramp "Truth Social" sosial şəbəkəsində yazıb.
"Ölkənin hər yerində sirli pilotsuz uçuş aparatları aşkarlanıb. Bu, doğrudan da hökumətimizin xəbəri olmadan baş verə bilərmi? Mən belə düşünmürəm! Bu barədə ele indi ictimaiyyətə məlumat verin! Əks halda, onları güllələyin!" - deyə D.Tramp bildirib.
Ağ Evin Milli Təhlükəsizlik Şurasının Strateji Kommunikasiyalar üzrə koordinatoru Con Kirbi jurnalistlər üçün keçirdiyi brifinqdə bildirib ki, Daxili Təhlükəsizlik Nazirliyi və Federal Təhqiqatlar Bürosu Nyu Cersi üzərində pilotsuz uçuş aparatları məsələsini araşdırır.