Bakı. Trend:
Bir istiqamət üzrə fəaliyyət göstərmək dekolonizasiya prosesinə töhfə vermir.
Trend xəbər verir ki, bu barədə Bakı Təşəbbüs Qrupunun icraçı direktoru Abbas Abbasov Dekolonizasiya Günü münasibətilə BTQ-nin genişmiqyaslı hesabatının təqdimatı zamanı söyləyib.
"Silsilə beynəlxalq tədbirlər keçirərək, dekolonizasiya olan ölkələrdə baş verən hadisələri dünya ölkələrinə çatdırırıq.
Fərqli beynəlxalq platformalarda fikirlər səsləndiririk, çıxışlar və çağırışlar edirik. Biz Roma Papasına da müraciət etmişdik. Artıq o da müstəmləkəçiliyin sonlandırılması üzrə çox təsiredici ifadələr səsləndirib. Biz çoxşaxəli fəaliyyətimizi növbəti illərdə də davam etdirəcəyik", - deyə o qeyd edib.