Bakı.Trend:
İspaniyanın Baş naziri Pedro Sançes noyabrın 29-da ölkədə növbədənkənar seçkilərin keçiriləcəyini elan edib.
"Reuters"in məlumatına görə, bu barədə İspaniya lideri keçirdiyi mətbuat konfransında bildirib.
“Bu səhər Nazirlər Şurasının növbədənkənar iclasını çağırmaq, Baş Kortesləri (İspaniya parlamenti – red.) buraxmaq və qanunla müəyyən edilmiş müddətlərə uyğun olaraq noyabrın 29-da, bazar günü keçiriləcək ümumi seçkiləri təyin etmək qərarına gəldim”, – deyə o bildirib.
Daha əvvəl İspaniyanın muxtar şəhəri Seutaya səfər edən Pedro Sançesi şəhər sakinləri istefa tələbləri ilə qarşılamışdılar. Baş nazirin Seutaya səfəri İspaniya-Mərakeş sərhədinin yaşanan qanunsuz miqrasiya böhranı fonunda baş tutmuşdu.
