Bakı. Trend:
ABŞ dövlət katibi Antoni Blinken İraqın baş naziri Məhəmməd Şia əl-Sudani ilə görüşdə Suriyadakı vəziyyətin nizamlanması və mülki hökumətin yaradılmasının vacibliyini bəyan edib.
Trend-in məlumatına görə, bu barədə ABŞ Dövlət Departamenti xəbər verib.
"Dövlət katibi Birləşmiş Ştatların Suriyada inklüziv və nümayəndəli mülki hökumətin formalaşmasına gətirib çıxaracaq siyasi prosesə dəstəyini bir daha təsdiqləyib", - deyə bildirilib.
A.Blinken deyib ki, keçid hakimiyyəti orqanları, eləcə də gələcək Suriya hökuməti “xüsusilə qadınlar və milli azlıqlar üçün insan hüquqlarına hörmətlə bağlı açıq öhdəlikləri yerinə yetirməlidir”. Dövlət katibi həmçinin yeni hakimiyyəti Suriyanın “dini yerlərə və müqəddəs yerlərə” hörmətlə yanaşmağa çağırıb.