Bakı. Trend:
Rusiyanın xarici nümayəndəliklərinin əməkdaşlarının bir hissəsi Dəməşqdən təxliyə edilib, Rusiya səfirliyinin işi davam edir.
Trend-in məlumatına görə, bu barədə Rusiya Federasiyası Xarici İşlər Nazirliyinin Situasiya və Böhran Mərkəzinin Departamenti xəbər verib.
"Dekabrın 15-də Xmeymim aviabazasından Rusiya Müdafiə Nazirliyinin Aerokosmik Qüvvələrinin xüsusi reysi ilə Rusiyanın Dəməşqdəki xarici nümayəndəliklərinin şəxsi heyətinin bir hissəsi Çkalovski hava limanına çatdırılıb", - deyə qeyd olunub.
Bildirilib ki, Rusiyanın Dəməşqdəki səfirliyinin işi davam edir.