Bakı. Trend:
Madridin "Real" klubu mərkəz müdafiəçisi axtarışını davam etdirərək, "Arsenal"ın oyunçusu Vilyam Saliba ilə maraqlanır.
Trend xəbər verir ki, İspaniya mətbuatı Salibanın "Real"ın oyun üslubuna uyğun olduğunu yazıb. Fransa millisinin üzvü olan müdafiəçinin yaxınları ilə mümkün transfer məsələləri müzakirə edilib.
Qeyd edək ki, Vilyam Saliba London klubu ilə 2027-ci ilin iyun ayının sonunadək müqaviləyə malikdir. O, cari mövsümdə keçirdiyi 25 oyunda 2 qol vurub.