Bakı. Trend:
"Qalatasaray" klubu "Mançester Siti"nin almaniyalı yarımmüdafiəçisi İlkay Gündoğanı heyətinə qatmağa maraq göstərir.
Trend xəbər verir ki, bu barədə "Todofichajes" məlumat yayıb.
Məlumata görə, İstanbul təmsilçisi artıq ulduz futbolçu ilə danışıqlar aparıb və ona 2 illik müqavilə təklif edib.
Bildirilib ki, "Mançester Siti" İlkay Gündoğanın "Qalatasaray"a keçidinə mane olmayacaq.
Xatırladaq ki, ötən yay "Mançester Siti"yə keçən İlkay Gündoğan bu mövsüm 27 oyunda iştirak edib, 2 qol vurub və 1 məhsuldar ötürmə ilə yadda qalıb.