Bakı. Trend:
Futbol üzrə Misli Premyer Liqasında XIX turun növbəti oyunları keçirilib.
Trend-in məlumatına görə, günün ilk qarşılaşmasında "Zirə" Zirə İdman Kompleksinin stadionunda "Araz-Naxçıvan"ı qəbul edib. Matç meydan sahiblərinin 1:0 hesablı qələbəsi ilə yekunlaşıb.
Görüşün yeganə qoluna 4-cü dəqiqədə İsmayıl İbrahimli imza atıb.
Bu nəticədən sonra turnir cədvəlində xallarının sayını 33-ə çatdıran "Zirə" üçüncü pilləyə qalxıb, Naxçıvan təmsilçisi isə 39 xalla ikinci sırada qalıb.