Bakı. Trend:
1964-cü ildə Qızıl topun sahibi, futbol əfsanəsi Denis Lou 84 yaşında dünyasını dəyişib.
Trend xəbər verir ki, bu barədə “Mançester Yunayted”in rəsmi saytında məlumat verilib.
Bildirilir ki, Lou uzun müddətdir ağır xəstəliklə mübarizə aparırdı. 2021-ci ildə ona demans diaqnozu qoyulmuşdu.
Denis Lou futbol tarixinə ikiqat İngiltərə çempionu, İngiltərə Kubokunun və Avropa Çempionlar Kubokunun qalibi kimi düşüb. “Mançester Yunayted”in heyətində keçirdiyi 404 oyunda 237 qol vuran Lou, klub tarixində ən çox qol vuran üçüncü futbolçudur. Bundan əlavə, o, Şotlandiya millisinin tarixində də ən çox qol vuran oyunçudur (30 qol).
Karyerası ərzində Denis Lou "Haddersfild Taun", "Mançester Siti" və "Torino" klublarında da çıxış edib.